ÜLENZOITAM SINDAI, ARMAZ KODIMA!
Kaiče, Jumal, Vepsän Mad
Kaiče, Jumal, Vepsän mad,
... Meiden armast Kodimad!
Kaiče händast igaks kaikeks,
Laske linneb kogonaižeks!
Meiden neičed änikoitas,
Meiden velled pajatadas;
Voib-ik vepsoid erigoitta?
Sab-ik rahvast hajetoitta?
Ö om lähtnu, homenc tuleb,
Lindun änen korv jo kuleb...
Kaiče, Jumal, Vepsän mad,
Meiden armast Kodimad!
Nina Zaiceva, Igor Brodski (1994)
Minun ma
Minun ma om čoma,
Sur' om minun ma.
Ed voi kädel sada,
Ed mä astmaha.
Oled hüvä, sula,
Minun kalliž ma.
Päivähudel pašta,
Armaz Kodima!
Sinä - meiden sötai,
Vepsän rahvhan ma.
Sel'ktal vedel jotad,
Minun sündundma!
Rürik Lonin (1993)